அமலுக்கு வரப்போகும் ஜிஎஸ்டி… யாருக்கு என்ன நன்மை ?

சரக்கு மற்றும் சேவை வரி விதிப்பு (ஜிஎஸ்டி) தொடர்பான மசோதா கடந்த டிசம்பர் 19-ம் தேதி அன்று மக்களவையில் தாக்கல் செய்யப்பட்டது. மத்திய அரசும் இந்த மசோதாவை வரும் மார்ச் 2016-க்குள் நிறைவேற்றிவிட வேண்டும் என்ற முனைப்பில் உள்ளது. இந்த ஜிஎஸ்டி மசோதா எப்படிப்பட்டது, இந்த மசோதாவைக் கொண்டுவருவதில் மக்களுக்கு என்ன நன்மை கிடைக்கும், இதனால் தொழில் துறையினருக்கு, மத்திய, மாநில அரசுகளுக்கு என்ன லாபம் கிடைக்கும், இந்தியாவின் ஜிடிபியில் இந்த மசோதா என்னென்ன மாற்றங்களை ஏற்படுத்தும் என்கிற கேள்விகள் முக்கியமானவை. இந்த கேள்விகளுக் கான பதிலைப் பார்ப்போம்.

ஜிஎஸ்டி என்றால்..?

சரக்கு மற்றும் சேவை வரி விதிப்பு என்பது புரிந்துகொள்வதற்கு கொஞ்சம் சிக்கலானது. தற்போது ஒரு பொருளையோ அல்லது சேவையையோ தயாரித்து விற்கும்போது, அதற்கு கலால் வரி, சேவை வரி, ஒரு மாநிலத்திலிருந்து இன்னொரு மாநிலத்துக்கு கொண்டு செல்ல நுழைவு வரி, மாநில அரசுக்கு கட்டவேண்டிய வாட் வரி என பல வரிகளைச் செலுத்த வேண்டியுள்ளது. ஒரே பொருளுக்கு பல இடங்களில் பலவகையான வரிகளைக் கட்டுவது சிரமம் தரும் விஷயமாகவே இருந்து வருகிறது. இப்படி பல இடங்களில் வரி கட்டுவதைவிட, இந்த அனைத்து வரிகளையும் ஒன்று சேர்த்து, சரக்கு மற்றும் சேவை வரி என்கிற பெயரில் ஒரே வரியாக மத்திய மற்றும் மாநில அரசுகளுக்கு செலுத்துவதுதான் ஜிஎஸ்டி.

நாடாளுமன்ற ஒப்புதலுக்குப்பின் நடைமுறைக்கு வரத் தயாராக இருக்கும் இந்த ஜிஎஸ்டி குறித்தும், அதனால் ஏற்படும் நன்மைகள் குறித்தும் வரி ஆலோசகரான வைத்தீஸ்வரனிடம் கேட்டோம். இதுகுறித்து தெளிவாக எடுத்துச் சொன்னார்.

‘‘சரக்கு மற்றும் சேவை வரி என்பது பொருட்கள் மற்றும் சேவைகள் மீது விதிக்கப்படும் மறைமுக வரிகளுக்கு மாற்றாக உருவாக்கப்படும் ஒருங்கிணைந்த வரி என்றுதான் சொல்ல வேண்டும். இதனைச் செலுத்துவதன் மூலம் பொருள் அல்லது சேவையைத் தரும் நிறுவனத்தின் செலவு கணிசமாகக் குறையும். தனித்தனியாக அனைத்து வரிகளையும் கட்டும்போது  ஒவ்வொரு வரியும் மாறுபட்டு இருப்பதால், சரக்கு மற்றும் சேவைகளின் விலை அதிகமாக உள்ளது. ஆனால், ஜிஎஸ்டியை அமல்படுத்தும் போது ஒருங்கிணைக்கப்பட்ட வரி என்பதால், ஒரே மாதிரியான வரியை அனைவரும் கட்ட வேண்டும் என்ற சூழல் உருவாகும். இதனால் பொருட்களின் விலை குறையும்.

உதாரணமாக, ஒருவர் 1000 ரூபாய் மதிப்புள்ள பொருளைத் தயாரித்து, அதில் ஜிஎஸ்டியை சேர்த்து 1,200 ரூபாய்க்கு விற்கிறார் என்று வைத்துக்கொள்வோம். இதனை வாங்கும் டீலர், ஜிஎஸ்டியைத் தவிர்த்து வாங்கிய விலைக்கும்  விற்ற விலைக்கும் இருக்கும் வித்தியாசத்துக்கு மட்டும் வரிச் செலுத்தினால் போதும் என்பதே ஜிஎஸ்டி வரி விதிப்பின்  சிறப்பாகும்.

இந்த வரி விதிப்புக்கு ஏறக்குறைய அனைவருமே ஆதரவைத்தான் தெரிவித்து வருகிறார்கள். மத்திய அரசு, மாநில அரசு, தொழிற்துறையினர், பொதுமக்கள் என அனைவருமே ஆதரவைத் தெரிவிப்பதால், இது அமலுக்கு வருவதில் எந்தச் சிக்கலும் இருக்காது. வரும் 2015-ம் ஆண்டு மார்ச் மாதத்தில் ஒப்புதல் பெறப்பட்டு, ஏப்ரல் 1, 2016-ல் அமலுக்கு வரும் என்று எதிர்பார்க்கப்படும் இந்த வரி விதிப்பு முறையை அறிமுகம் செய்ய இதுவே சரியான தருணம். இதற்கு நான்கில் மூன்று பங்கு நாடாளுமன்ற உறுப்பினர்களின் ஒப்புதலும், 50% சட்டமன்றங்களின் ஆதரவும் அவசியம். அப்படி நடக்கும்பட்சத்தில் இந்த வரி விதிப்பு முறை அமலுக்கு வரும்.

யாருக்கு என்ன நன்மை?

1. மத்திய/மாநில அரசு:

மத்திய அரசுக்கு உற்பத்தியாளரிடம் இருந்து மட்டும் வந்த வரி என்பது தற்போது உற்பத்தி யாளர் துவங்கி டீலர், மொத்த விற்பனையாளர், அந்தப் பொருளை கடையில் விற்கும் சிறு கடைக்காரர் வரை அனைவரிடமிருந்தும் வரி கிடைக்கும். இதனால் மத்திய அரசின் வருவாய் அதிகரிக்கும். ஒரு சில துறைகள் தவிர அனைத்துத் துறைகளுக்கும் இது பொருந்தும் என்பதால், இதன்மூலம் கிடைக்கும் வருவாய் அரசுக்கு அதிக அளவில் இருக்கும்.

மாநில அரசுகளைப் பொறுத்தமட்டில், இதுவரை சரக்குகளுக்கான வரியை மட்டுமே வருமானமாக கொண்டிருந்தன. ஜிஎஸ்டி மூலம் சரக்கு மற்றும் சேவை இரண்டுக்குமே மாநில அரசுக்கு வரி மூலம் வருவாய் கிடைக்கும். இதில் சிலர், மாநில அரசுக்கு வருவாய் இழப்பு ஏற்படும் என்கின்றனர். அது தவறான கருத்து. தவிர, ஆல்கஹால் மற்றும் பெட்ரோல், டீசல் மீதான வரி விதிப்பு இன்னமும் மாநில அரசிடம் தான் உள்ளது. அதனால் மாநில அரசுக்கு எஸ்ஜிஎஸ்டி (மாநில சரக்கு மற்றும் சேவை வரி) மூலம் வருவாய் அதிகரிக்கும்.

2. தொழிற்துறை:

தொழில்துறையினர் நீண்ட காலமாகவே இதனை அறிமுகப்படுத்த வேண்டும் என்று வலியுறுத்தி வருகின்றனர். தொழில் துறையினரைப் பொறுத்தமட்டில், இந்த வரி விதிப்பு என்பது அவர்களுக்கு அதிகம் பயனளிக்கக்கூடியதாகவே இருக்கும். நிறைய வரிகளுக்காக தனித்தனியே அதிக தொகையை வரியாகச் செலுத்த வேண்டிய சூழலில் இருந்து ஒரே வரியாகச் செலுத்தும் நிலை உருவாகியுள்ளதை நிச்சயம் வரவேற்பார்கள்.

இதனை ஒருங்கிணைப்பதில் குழப்பங்கள் இருந்தாலும், அதனை சரியாக ஒருங்கிணைத்து வரி விதிப்பை அறிமுகம் செய்யும்போது அவர்களது உற்பத்தித் துவங்கி அனைத்து நிலை களிலும் செலவுகள் குறையும். செலவுகள் குறையும்போது அந்தப் பணம் திரும்பவும் தொழிலில் முதலீடாக மாறுவதற்கு வாய்ப்பிருப் பதால், அவர்களது உற்பத்தித்திறன் அதிகரிக்கும். அப்போது உற்பத்தி அதிகரித்து பொருட்களை அதிக அளவில் விற்பனை செய்யும் சூழல் உருவாகும்.

3. பொதுமக்கள்:

இந்த வரி விதிப்பின் மூலம் நிறுவனங்களின் செலவு குறைவதால், அவர்கள் குறைந்த விலை யில்தான் பொருட்களை விற்பார்கள். அதற்கான வரியும் குறைவாகவே இருக்கும். எனவே, பொதுமக்களும் குறைந்த விலையில் அந்தப் பொருளை வாங்க முடியும். இதனால் பொருட்களை வாங்குபவரது எண்ணிக்கை அதிகமாகும்.

4.ஜிடிபி:

இந்த ஜிஎஸ்டி மூலம் பெரும்பாலானோரை வரி கட்டவைக்க முடியும். வரி ஏய்ப்பு செய்வது குறையும். வரி மூலம் வரும் வருவாய் கணிசமான அளவு உயரும். இதனை அறிமுகம் செய்தால், ஜிடிபியில் 2 சதவிகித வளர்ச்சி இருக்கும் என்று கூறுகின்றனர். அந்த அளவுக்கு வளர்ச்சி அடையும் என்று கூறாவிட் டாலும் தற்போது உள்ளதைவிட நல்ல வளர்ச்சி இருக்கும் என்று கூறலாம்.

தற்போதுள்ள நிலவரப்படி, மத்திய, மாநில ஜிஎஸ்டி சேர்த்து 27 சதவிகிதமாக இதனை நிர்ணயிக்கலாம் என்ற கருத்து நிலவி வருகிறது. ஆனால், என்னை பொறுத்தவரை, மத்திய, மாநில ஜிஎஸ்டியை சேர்த்து 12 – 14 சதவிகிதம் வரி விதிப்பு என்பது சிறந்த விகிதமாக இருக்கும். தற்போதுள்ள மத்திய அரசின் 12%, மாநில அரசின் 14.5% ஆகிவற்றை சேர்த்து 27 சதவிகிதம் என்று வரி விதிக்காமல் மொத்த வருவாயைப் பொறுத்து 12-14 சதவிகிதமாக விதித்தாலே தற்போது உள்ளதைவிட அதிக வருவாயை அரசு ஈட்ட முடியும்.

சிறிய கடைக்காரர்களுக்குப் பாதிப்பா?

ஜிஎஸ்டி வரிவிதிப்பு சிறிய கடைக்காரர்களைப் பாதிக்குமா எனில், இல்லை என்றுதான் கூற வேண்டும். அவர்கள் பாதிப்பாக நினைப்பது செலவைதான். இதுவரை அமைப்பற்ற முறையில் தங்களது கணக்குகளை வைத்திருப்பவர்கள், கணினி உட்பட்ட அமைப்புகள், இந்தக் கணக்குகளை சரிபார்க்க ஒருவர் என நியமிப்பதால் செலவு சிறிது அதிகமாகலாமே தவிர, இதனால் எந்த பாதிப்பும் வராது. அரசு இன்னும் எந்த அளவில் வரம்பை நிர்ணயிக்கும் என தெரியாததால், சிறிய கடைக்காரர்கள் கவலைப்பட தேவை இல்லை’’ என பல விஷயங்களைத் தெளிவாகச் சொல்லி முடித்தார் வரி ஆலோசகர் வைத்தீஸ்வரன்.

ஒற்றை வரி விதிப்பு முறையாக வரவிருக்கும் ஜிஎஸ்டி வரவேற்கத்தக்கதுதான் என்றாலும், இதிலும் வரி ஏய்ப்பு இல்லாமல் சரியான விகிதத்தில் அமலுக்கு வரும்போது ஜிஎஸ்டி அனைத்துத் தரப்பினருக்கும் பயனளிக்கக்கூடியதாக இருக்கும் என்பதில் எந்தவித சந்தேகமும் இல்லை!

http://senthilvayal.com/2015/01/12/%E0%AE%85%E0%AE%AE%E0%AE%B2%E0%AF%81%E0%AE%95%E0%AF%8D%E0%AE%95%E0%AF%81-%E0%AE%B5%E0%AE%B0%E0%AE%AA%E0%AF%8D%E0%AE%AA%E0%AF%8B%E0%AE%95%E0%AF%81%E0%AE%AE%E0%AF%8D-%E0%AE%9C%E0%AE%BF%E0%AE%8E%E0%AE%B8/

GST என்ற பொருட்கள் சேவைகள் வரி - 2

பொருட்களின் இறக்குமதி மீது சுங்க வரி, பொருட்களின் உற்பத்தி மீதான கலால் வரி, சேவைகள் மீதான சேவை வரி ஆகியவற்றை மத்திய அரசும், மாநிலத்திற்குள் நடைபெறும் விற்பனை மீதான விற்பனை வரியை மாநில அரசும் விதிக்கின்றன.

இதுமட்டுமல்லாமல், மாநிலங்களுக்கிடையே நடைபெறும் விற்பனைகளுக்கு மத்திய அரசு 4% வரை மத்திய விற்பனை வரியை (CST) நிர்ணயித்து, அதனை அந்தந்த மாநிலமே வசூலிக்கிறது. பொருட்கள் மீதான கலால் (உற்பத்தி வரி) மற்றும் விற்பனை வரிகளில் பல சிக்கல்கள் உள்ளன.

விழுத்தொடர் விளைவு (cascading effect)

இந்த பிரச்சினைகளில் பிரதானமானது விழுத்தொடர் விளைவு. கலால் மற்றும் விற்பனை வரிகள் யாவும் உற்பத்தி அல்லது விற்பனையின் எல்லா நிலை களிலும் விதிக்கப்படும். கீழ் உள்ள அட்டவணை இந்த விழுத்தொடர் விளைவை விளக்க உதவும். இந்த அட்டவணை கலால் வரி (உற்பத்தி வரி) விதிப்புக்கானது என்று வைத்துக் கொள்வோம்.

அட்டவணை 1: விழுத்தொடர் விளைவு

இதில் ரொட்டியின் உற்பத்தியில் உள்ள இரண்டு நிலைகளில் கலால் வரி விதிக்கப்படுகிறது. இரண்டிலும் 10% தான் வரி விகிதம். எனவே, இறுதி பொருளின் அடிப்படை மதிப்பில் 10% தான் வரி செலுத்தியிருக்கவேண்டும். இறுதி பொருளின் மதிப்பு ரூ.130 ஆனால் செலுத்தப்பட்ட வரி ரூ 26.20. உண்மையில் ரூ.13 (130X10% = 13) தான் வரியாக செலுத்தவேண்டும். எதனால் இந்த வேறுபாடு?

முதல் நிலையில் செலுத்தப்பட்ட ரூ.13 சேர்த்து இரண்டாம் நிலையின் உள்ளீட்டு பொருளின் விலையாக ரூ.132 என்று எடுத்துக்கொண்டதால், அந்த வரிக்கும் சேர்த்து மீண்டும் 10% வரியை இரண்டாம் நிலையில் விதித்துள்ளோம். இந்த வரி மேல் வரி விதிப்பால் விழுத்தொடர் விளைவு ஏற்படுகிறது. இந்த விழுத்தொடர் விளைவை தடுக்க மதிப்பு கூட்டல் வரி விதிப்பு தேவை. VAT என்ற மதிப்பு கூட்டல் வரி அமைப்பு எப்படி விழுத்தொடர் விளைவை கட்டுபடுத்துகிறது என்பதை பார்ப்போம்.

அட்டவணை 2: மதிப்பு கூட்டல் வரி முறை

VAT வரி அமைப்பில் விழுத்தொடர் விளைவு குறைந்து வரியும் குறைந்து விலையும் குறைகிறது. இதற்கு காரணம் அட்டவணை 2-ல் உள்ள கடைசி நெடுவரிசையில் உள்ள வரி வசூலிக்கும் முறை. இதில் ஒரு அடுமனை நிறுவனம் வரி செலுத்தி பொருள் வாங்குகிறது அதாவது ரூ.12 வரி செலுத்தி ரூ.120 மதிப்புள்ள உள்ளீட்டு பொருளை வாங்குகிறது. அதனுடன் ரூ.10 அளவுக்கு மதிப்பைக் கூட்டி ரூ.130 மதிப்புள்ள ரொட்டியை விற்கும் போது ரூ.13 வரியாக பெறப்பட்டு அதில் ரூ.12 ஏற்கெனவே செலுத்தப்பட்ட வரியை கழித்து மீதமுள்ள ரூ.1 அரசுக்கு செலுத்துகிறது.

இதில் எவ்வாறு மதிப்பு கூட்டல் வரி வருகிறது? அடுமனை நிறுவனம் கூட்டிய மதிப்பின் அளவு ரூ.10; அதன் மீது உள்ள வரி 10% அதாவது ரூ.1. அந்த ரூ.1 தான் அடுமனை நிறுவனம் வரியாக செலுத்துவதால் இதற்கு மதிப்பு கூட்டு வரி என்று பெயர். இதில் ரொட்டியின் இறுதி மதிப்பு ரூ.130; அதன் மீதான 10% வரி ரூ.13. இது தான் வெளிப்படையான மதிப்பு கூட்டல் வரி முறை.

VAT என்ற வரி முறை விழுத்தொடர் விளைவை நீக்குவதால் அதனை பொருள் மற்றும் சேவை வரிகளில் பயன்படுத்தவேண்டும் என்று மத்திய மாநில அரசுகள் முடிவு செய்தன. இதில் மத்திய அரசு 1987யில் MODVAT என்ற மதிப்பு கூட்டல் வரியை ஒரு சில பொருட்களின் உற்பத்தி மீதான கலால் வரியில் புகுத்தியது. அதனை தொடர்ந்து, மற்ற பொருட்கள், சேவைகள் மீதான கலால் வரிகளுக்கு சிறிது சிறிதாக இந்த VAT முறையை மத்திய அரசு விரிவாக்கியது. இறுதியாக 2001யில் CENVAT என்று எல்லா பொருட்கள் சேவைகளுக்கும் VAT வரியை முழுமையாக மத்திய அரசால் கொண்டுவரப்பட்டது.

இதே போன்று மாநில அரசுகளும் 2006 தொடங்கி விற்பனை வரியில் மதிப்பு கூட்டு வரி (வாட்) அமைப்பை புகுத்தின. இருந்த போதிலும் CST என்ற மாநிலங்களுக்கிடையே உள்ள விற்பனை மீதான வாட் வரி அமைப்புக்குள் வரவில்லை. ஆனால் இதனை முழுவதும் நீக்கவேண்டும் என்று எல்லா மாநிலங்களும் ஒப்புக்கொண்டாலும், அதனை நீக்குவதால் ஏற்படும் வரி வருவாய் இழப்பை ஈடு செய்யமுடியாது என்று கூறின.

எனவே, மத்திய அரசு CST வரி விகிதத்தை 4% இருந்து 2%ஆக குறைத்து அதனால் ஏற்படும் வரி இழப்பை மூன்று வருடங்களுக்கு ஈடு செய்தது. அதே நேரத்தில் GST நிறைவேற்றப்படும் என்றும் மத்திய அரசு உறுதி அளித்தது. GST இன்று வரை நடைமுறைக்கு வராததால், தொடர்ந்து CST வரி விகித குறைப்பினால் மாநிலங்கள் வரி வருவாய் இழப்பை சந்திக்கின்றன. GST வந்தால் CST முழுவதும் நீக்குவது, அதனால் மாநில அரசுகளுக்கு ஏற்படும் வரி இழப்பை ஈடு செய்வது மத்திய அரசின் கடமை.

மற்ற வரி சிக்கல்களை அடுத்த வாரம் பார்ப்போம்.

seenu242@gmail.com

( 25.5.2015 TAMIL HINDU NEWS DAILY )

nandri

25.05.2015 DATED

tamil HINDU DAILY  VANIGA VEETHI

ஜி.எஸ்.டி. வரியில் இருந்து அரிசிக்கு விலக்கு: அரிசி ஆலை உரிமையாளர்கள் வலியுறுத்தல்

கோவை குனியமுத்தூரில் அரிசி ஆலை உரிமையாளர்கள் மற்றும் நெல் அரிசி வணிகர்கள் சங்க சம்மேளனத்தின் மாநில பொதுக்குழுக் கூட்டம் நேற்று நடைபெற்றது. அப்போது, சம்மேளனத் தலைவர் டி.துள சிங்கம் செய்தியாளர்களிடம் கூறியதாவது:

தமிழக அரசு சார்பில் கடந்த பட்ஜெட் கூட்டத்தின்போது சான்று பெற்ற விதைகளை விவசாயிகள் அதிக அளவில் பயன்படுத்த ஊக்குவிக்கும் பொருட்டு ரூ.15.74 கோடி தொகையை, மாநில விதை மேம்பாட்டு மையம் சார்பில் ‘அம்மா விதைகள்' என்ற பெயரில் நியாயமான விலையில் வழங்குவதாக அறிவித்தார்கள். இந்தத் திட்டத்தை விரைந்து செயல்படுத்த வேண்டும்.

வரும் 2016-ம் ஆண்டு முதல் ஜி.எஸ்.டி. வரி விதிப்பு அமல் படுத்தப்படும் என மத்திய அரசு தெரிவித்துள்ளது. நெல் உற்பத்தியில் பற்றாக்குறை மாநிலமாக தமிழகம் இருப் பதால் எவ்விதமான வணிக வரியும் தமிழக அரசு இதுவரை விதிக்கவில்லை. எனவே, இதனைக் கருத்தில் கொண்டு ஜி.எஸ்.டி. வரி அமல்படுத்தப் படும்போது, அத்தியாவசிய உணவுப் பொருளான அரிசிக்கு, அந்த வரிவிதிப்பில் இருந்து விலக்கு அளிக்க வேண்டும்.

தமிழகத்தில் அறுவடைக் காலங்களில் நெல்லை காய வைப்பதற்கு விவசாயிகளுக்கும், அரிசி ஆலை வணிகர்களுக்கும் கூடுதல் மின்திறன் வசதி தேவை என்ற கோரிக்கையை நெடுநாளாக வலியுறுத்தி வருகிறோம். ஆனால், தமிழக அரசு கவனத்தில் கொள்ளாமல் இருந்து வருவது வருத்தமடையச் செய்துள்ளது. எங்களது நியாயமான இந்த கோரிக்கையை அமல்படுத்த வேண்டும்.தமிழக அரசு விதித்து வரும் செஸ் வரியை ரத்து செய்ய நடவடிக்கை எடுக்க வேண்டும். செஸ் வரி ரத்து செய்யப்பட்டால் பிற மாநிலங்களில் இருந்து நெல் வரத்து அதிகரிக்கும். விவசாயிகளிடம் நேரடியாக நல்ல விலை கொடுத்து வணிகர்கள் வாங்கும்போது உற்பத்தியும் அதிகரிக்க வாய்ப்புள்ளது.

இவ்வாறு அவர் கூறினார்.

TAMIL THAE HINDU DAILY 20.05.2015

http://tamil.thehindu.com/tamilnadu/%E0%AE%9C%E0%AE%BF%E0%AE%8E%E0%AE%B8%E0%AF%8D%E0%AE%9F%E0%AE%BF-%E0%AE%B5%E0%AE%B0%E0%AE%BF%E0%AE%AF%E0%AE%BF%E0%AE%B2%E0%AF%8D-%E0%AE%87%E0%AE%B0%E0%AF%81%E0%AE%A8%E0%AF%8D%E0%AE%A4%E0%AF%81-%E0%AE%85%E0%AE%B0%E0%AE%BF%E0%AE%9A%E0%AE%BF%E0%AE%95%E0%AF%8D%E0%AE%95%E0%AF%81-%E0%AE%B5%E0%AE%BF%E0%AE%B2%E0%AE%95%E0%AF%8D%E0%AE%95%E0%AF%81-%E0%AE%85%E0%AE%B0%E0%AE%BF%E0%AE%9A%E0%AE%BF-%E0%AE%86%E0%AE%B2%E0%AF%88-%E0%AE%89%E0%AE%B0%E0%AE%BF%E0%AE%AE%E0%AF%88%E0%AE%AF%E0%AE%BE%E0%AE%B3%E0%AE%B0%E0%AF%8D%E0%AE%95%E0%AE%B3%E0%AF%8D-%E0%AE%B5%E0%AE%B2%E0%AE%BF%E0%AE%AF%E0%AF%81%E0%AE%B1%E0%AF%81%E0%AE%A4%E0%AF%8D%E0%AE%A4%E0%AE%B2%E0%AF%8D/article7224581.ece

சரக்கு மற்றும் சேவை வரி TN CHAMBERS.IN ஆலோசனைக் குழுவை ஏற்படுத்த வேண்டுகோள்

1. சரக்கு மற்றும் சேவை வரி (GST) 01.04.2016 முதல் நாடு முழுவதும் அமலாக்கப்படவிருக்கும் சூழலில் இப்புதிய வரிச் சட்டத்தின் கீழ் வரி விலக்கிற்கும், வரிச் சலுகைகளுக்கும், புதிய வரி வீதங்களை நிர்ணயம் செய்வதற்கும் தக்க ஆலோசனைகளை அரசு பெற வர்த்தக சங்கப் பிரதிநிதிகளை உள்ளடக்கிய ஓர் உயர் நிலை ஆலோசனைக் குழுவை ஏற்படுத்த வேண்டும்:

மத்திய, மாநில அரசுகள் அமல்படுத்தி வரும் கலால் வரி, சேவை வரி, மத்திய விற்பனை வரி, மதிப்புக் கூட்டு வரி போன்ற பல்வேறு மறைமுக வரிகளை ஒருங்கிணைத்து ஒரே வரியாக 01.04.2016 முதல் நாடு முழுவதும் சரக்கு மற்றும் சேவை வரி (GOODS AND SERVICES TAX) அமலாக்கப்படவிருக்கிறது. ஏற்கனவே ஒரு பொருளுக்கு விதிக்கப்பட்ட மொத்த வரியை சமன்படுத்தும் வகையில் இப்புதிய சட்டத்தின் கீழ் வரி வீதங்களை (REVENUE NEUTRAL RATE (RNR)) நிர்ணயிப்பதுதான் அடுத்த முக்கியமான பணி. ஏற்கனவே கலால் வரிக்கு உட்பட்ட பொருட்களுக்கு அதற்கேற்ப கூடுதலான வரியும், கலால் வரிக்கு உட்படாத குறிப்பாக வேளாண் பொருட்களுக்கு குறைந்த வரி விகிதமும், மிகவும் அத்தியாவசிய உணவுப் பொருட்கள் உள்ளிட்ட பொருட்களுக்கு வரி விலக்கும் நிர்ணயிக்கப்பட வேண்டும். நம் மாநில வரி வருவாயும் குறையாமல் அதே நேரம் நம் மாநில தொழில் வணிகமும் பாதிக்காத வகையில் தக்க ஆலோசனைகள் வழங்க முக்கிய வர்த்தக சங்கப் பிரதிநிதிகளை உள்ளடக்கிய “சரக்கு மற்றும் சேவை வரி மாநில ஆலோசனைக் குழு” ஒன்றை உடனடியாக அமைக்க வேண்டும். வரி விலக்கிற்கும், வரிச் சலுகைகளுக்கும் உள்ளிட்ட பொருட்களையும், மேலே குறிப்பிட்ட RNR வரி வீதத்தை நிர்ணயிப்பதற்கும் இக்குழு சிறந்த ஆலோசனைகளை வழங்க முடியும். இப்புதிய வரிச்சட்ட அமலாக்கத்தின்போது வரி செலுத்தும் தொழில் வணிகத் துறையினருக்கு அவ்வப்போது ஏற்படும் சந்தேகங்களை அரசு அதிகாரிகளுடன் விவாதித்து தக்க முடிவுகள் எடுத்து இவ்வரிச் சட்ட அமல் சுமூகமாக இருக்க இந்த ஆலோசனைக் குழு பெரிதும் உதவிகரமாக இருக்கும்.

2. மாநில மதிப்புக் கூட்டு வரியின் கடைசி ஆண்டான 2015-2016-ம் ஆண்டில் அச்சட்டத்தில் உள்ள சில முரண்பாடுகளையும், சிரமங்களையும் நீக்க வேண்டுகோள்:

14-வது நிதிக் கமிஷன் பரிந்துரையை மத்திய அரசு ஏற்று தனது மொத்த வரி வருவாயிலிருந்து மாநிலங்களுக்கு பிரித்துக் கொடுக்கும் தொகையை 10 சதவீதம் உயர்த்தி (32 %-லிருந்து 42%) மத்திய வரவு செலவுத் திட்டத்தில் அறிவித்துள்ள சூழலில் அடியிற்கண்ட தமிடிநநாடு மதிப்புக் கூட்டு வரிச் சட்டத்தில் உள்ள சில நடைமுறைப் பிரச்னைகளையும், முரண்பாடுகளையும் நீக்க வேண்டும். அவ்வாறு நீக்குவதால் ஒரளவு வரி வருவாடீநு குறைவு ஏற்பட்டாலும் கிடைக்கும் கூடுதல் மத்திய நிதியை கருத்தில் கொண்டு தமிழகத்தில் தொழில் வணிக வளர்ச்சியைக் கருதி அதைப் பொருட்படுத்தக் கூடாது எனவும் அன்புடன் கேட்டுக் கொள்கிறோம்.

A) CROSS VERIFICATION என்ற பெயரில் வணிகர்கள் துன்புறுத்தப்படுவதற்கு முடிவு கட்ட வேண்டும்:

மதிப்புக் கூட்டு வரி முறை 01.01.2007 முதல் அமலாக்கப்பட்ட கால கட்டங்களில் வணிக வரித்துறைக்கு ரிட்டர்ன் படிவங்கள் எழுதித்தான் சமர்ப்பிக்கப்பட்டன. அதன் பின் ONLINE மூலம் RETURN சமர்ப்பிக்கும் முறை அறிமுகப்படுத்தப்பட்டது சமீபத்தில் அதிலும் ஆரம்ப காலத்தில் வணிக வரித்துறையின் SOFTWARE-ல் பல குழப்பங்கள் இருந்தன. அதிகாரிகளும் சரியான வழிகாட்டுதல்கள் வழங்கவில்லை. சரக்கை விற்றவர்கள், வாங்கியவர்களின் பெயர்களைத் தனித்தனியாகக் குறிப்பிடாமல் மொத்த விற்பனைத்தொகையாகக் RETURN-ல் குறிப்பிட்டுள்ளார்கள. ONLINE FILLING வந்த பிறகும் கூட TIN எண் இல்லாமல் சரக்கை வாங்கியவர்களின் பெயர்களை மட்டும் குறிப்பிட்டிருந்தாலும் SOFTWARE ஏற்றுக்கொண்டுள்ளது. அதை எல்லாம் சமீப காலத்தில்தான் வணிக வரித்துறை மேம்படுத்தியுள்ளது. இப்போது ONLINE மூலம் RETURN சமர்ப்பிப்பது அனைவருக்கும் கட்டாயம் ஆக்கப்பட்டுள்ளது. இந்த யதார்த்த நிலையை கணக்கில் எடுத்துக் கொள்ளாமல் CROSS VERIFICATION என்ற பெயரில் பல ஆண்டுகளுக்கு முன் சரக்குகள் வாங்கி INPUT TAX CREDIT எடுத்து சரக்கை வாங்கியவர் சமர்ப்பித்த படிவத்தை, சரக்கை விற்றவர் சமர்ப்பித்த படிவத்துடன் ஒப்பிட்டு பெயர்களையும், தொகையையும் நேர் செய்ய வலியுறுத்துவது எவ்வாறு நியாயமாகும்? வணிகர்கள் மிகவும் சிரமப்படுகிறார்கள். அதிலும் பெயர் சரியாக இருந்து TIN எண் இல்லாமல் இருந்தால் அதையும் ஏற்றுக்கொள்வதில்லை. ஒவ்வொரு அதிகாரியும், ஒவ்வொரு விதமாக விபரங்கள் கேட்கிறார்கள். வரிக்குட்பட்ட விற்பனைத் தொகையை சரக்கை விற்றவரும், வாங்கியவரும் ஒப்புக்கொண்டு அந்த விற்பனைத் தொகைக்கு சரக்கை விற்றவர் வரி செலுத்தியதற்கான விபரம் கொடுத்தாலே போதுமானது தானே. எனவே இந்த மாதிரியான சிரமங்களுக்கு முடிவு கட்டும் வகையில் CROSS VERIFICATION-க்கு தெளிவான வெளிப்படையான நடைமுறைகளை வர்த்தகர்களிடம் கலந்து பேசி முறைப்படுத்துவதோடு, வணிக வரித் துறையின் SOFTWARE முழுமையாக சீரமைக்கப்படுவதற்கு முந்தைய காலத்திற்கு இத்தகைய CROSS VERIFICATION செய்ய வேண்டாம் எனக் கேட்டுக் கொள்கிறோம்.

B) வாட் வரிச் சட்ட விதிகளில் செய்யப்பட்டுள்ள புதிய சட்ட திருத்தத்தினால் பிற மாநில விற்பனையே (Interstate Sale) தடைப்பட்டுள்ளது;

நம் மாநிலத்தில் தொழில் துவங்க தயங்குகிறார்கள்: “C” படிவத்துடனான வெளி மாநில விற்பனைக்கு 2% மட்டுமே மத்திய விற்பனை வரி என்பது வெளிமாநில விற்பனையை ஊக்குவிப்பதற்காக வழங்கப்படும் சலுகை. ஆனால் நம் மாநிலத்தில் அவ்வாறான விற்பனையில் மேற்கொண்டு 3% உள்ளீட்டு வரி வரவை (ITC) கழித்துக் கொள்ள வேண்டும் (REVERSE) என்று வலியுறுத்தப்படுகிறது. “C” படிவத்துடன விற்றாலே 5% வரி என்றாகிவிடுகிறது. மத்திய அரசு கொடுத்த வரிச் சலுகை மறுக்கப்படுகிறது. அத்துடன் “C” படிவம் இல்லாவிட்டால் மாநில விற்பனை வரி வீதப்படி (5% / 14½ %) மத்திய விற்பனை வரி விதிப்பதுடன், அச்சரக்கிற்கான உள்ளீட்டு வரவு முழுவதையும் கழிக்க வேண்டும் எனவும் இரட்டைத் தண்டனை விதிக்கப்படுகிறது. இத்தகைய விதிகள் வேறு எந்த மாநிலத்திலும் இல்லை. இதனால் நம் மாநிலத்திலிருந்து வெளிமாநில விற்பனை பாதிக்கப்படுகிறது. சிறு தொழில் துறை தங்கள் பொருட்களை வெளி மாநிலங்களில் விற்பனை செய்ய இயலாமல் சிரமத்திற்குள்ளாகியுள்ளனர். அத்துடன் நம் மாநிலத்தில் தொழிற்சாலைகள் துவங்கும் ஆர்வமும் குறைகிறது. எனவே இந்தத் திருத்தம் உடனடியாக ரத்து செய்ய வேண்டும்.

C) ஆண்டுப் படிவம் WW சமர்ப்பிக்க வேண்டும் என்ற நிபந்தனையை ரத்து செய்ய வேண்டும்:

தமிழ்நாடு மதிப்புக் கூட்டு வரிச் சட்ட பிரிவு எண் 63 (a) -யின்படி ரூ. 1 கோடிக்கு மேல் ஆண்டு மொத்த விற்பனைத் தொகை உள்ள வணிகர்கள் ஆண்டு அறிக்கைப் படிவம் WW பூர்த்தி செய்து தகுதி பெற்ற பட்டைய தணிக்கையாளர்களைக் கொண்டு பரிசீலனைக்கு உட்படுத்தி அவரின் கையொப்பத்தைப் பெற்று ஒவ்வொரு ஆண்டும் டிசம்பர் மாத இறுதிக்குள் சமர்ப்பிக்க வேண்டும். இப்படிவத்தில் பூர்த்தி செய்ய வேண்டிய விபரங்களில் பெரும்பாலானவை வணிகர்கள் சமர்ப்பிக்கும் மாதாந்திர கணக்குப் படிவங்களிலிருந்தே அதிகாரிகளால் அறிந்துகொள்ள முடியும். எனவே ஆண்டுப் படிவம் WW தேவையற்றது. வணிகர்களுக்கு கூடுதலான எழுத்துச் சுமையையும், ஆடிட்டருக்கு கூடுதலாகச் செலுத்த வேண்டிய கட்டண சுமையையும் ஏற்படுத்துவதாக உள்ளது. எனவே ரூ. 1 கோடிக்கு மேல் ஆண்டு மொத்த விற்பனைத் தொகை உள்ள வணிகர்கள் கட்டாயமாக தணிக்கை அறிக்கைப் படிவம் WW சமர்ப்பிக்க வேண்டும் என்ற நிபந்தனையை ரத்து செய்ய வேண்டும். வணிகர்கள் இந்தப் படிவத்தை சமர்ப்பிக்க வேண்டிய அவசியமே இல்லை. இதுபோன்ற கூடுதலான தேவையற்ற எழுத்து வேலைகளும், நிபந்தனைகளும் நம் மாநில தொழில் வணிகத் துறையை உற்சாகமிழக்கச் செய்கிறது.

D) WW படிவம் தாக்கல் தாமதத்திற்கு ரூ. 1000 மட்டுமே காம்பவுண்டிங் கட்டணம் விதிக்கப்பட வேண்டும்:

படிவம் WW தாமதமாக தாக்கல் செய்யும் வணிகர்களுக்கு COMPOUNDING FEES ரூ. 10,000/- செலுத்துமாறு அதிகாரிகளிடமிருந்து அறிவிப்புகள் அனுப்பப்படுகின்றன. நியாயமான காரணம் இருந்தாலும் கூட குறைந்த COMPOUNDING FEE விதிக்க முடியாது என்றும், முழுத்தொகையையும் அபராதமாக விதிக்க வேண்டும் என்று தங்களுக்கு உயர் அதிகாரிகளிடமிருந்து தகவல் வந்துள்ளதாக அதிகாரிகள் தெரிவிக்கின்றனர். மதிப்புக் கூட்டு வரிச் சட்டப்படி தவறு மற்றும் விடுதல் ஏதேனும் தென்பட்டால் அதிகபட்சமாக COMPOUNDING FEE ரூ.10,000/- விதிக்கலாம் என்றுதான் கூறப்பட்டுள்ளது. வணிகர்கள் தணிக்கையாளர்களுக்குக் கட்டணம் செலுத்தித்தான் படிவம் WW சான்று பெற்று சமர்ப்பிக்கிறார்கள். அதில் சில சமயம் காலதாமதம் ஏற்படுகிறது. மேலும் தொழில் வணிக மந்த நிலை காரணமாக வணிகர்கள் பாதிப்பிற்குள்ளாகி உள்ளனர். எனவே WW படிவத்தை தாமதமாக தாக்கல் செய்த வணிகர்களுக்கு COMPOUNDING FEE ரூ. 1000/- (ரூபாய் ஆயிரம்) மட்டுமே விதிக்க அறிவுறுத்துமாறு கேட்டுக் கொள்கிறோம்.

E) புதிய இணைப்புப் படிவம் V நீக்கப்பட வேண்டும்:

வணிகர்கள் சமர்ப்பிக்கும் மாதாந்திர படிவம் I உடன் புதிதாக இணைக்கப்பட்டுள்ள இணைப்பு V-ல் ஒவ்வொரு மாதமும் மாத இறுதி இருப்புச் சரக்கு மதிப்பை (Closing Stock Value ) தெரிவிப்பதில் பல்வேறு சிரமங்கள் உள்ளன. வணிகவரி ஆணையர் 03.12.2013-ம் நாள் 12 / 2013 எண் சுற்றறிக்கையின் மூலம் வணிகவரி அதிகாரிகளுக்கு சில அறிவுறுத்தல்களை அனுப்பியுள்ளார். அதில் அவரே சில முரண்பாடுகளை சுட்டிக் காண்பித்துள்ளார். இன்னும் நிறைய முரண்பாடுகள் உள்ளன. வணிகர்கள் மிகுந்த சிரமத்திற்குள்ளாகி உள்ளனர். எனவே, தேவையற்ற இந்த இணைப்புப் படிவம் V-ஐ ரத்து செய்யுமாறு கேட்டுக் கொள்கிறோம்.

F) WORKS CONTRACT ON COOLY PRINTING – LABOUR CHARGES TO BE FIXED AS 70% FOR THE PURPOSE OF LEVING ON BALANCE 30%. Works contract of cooly printing is covered under Sec.5 of the VAT Act. But when the value of input cannot be ascertained from the book of accounts Rule 8(5) d is made applicable, allowing 30% only towards labour charge under “all other contracts”. There is no separate clause for printing contract. For dyeing contract, labour charges are allowed as 50%. In printing industry the value of inputs, (printing ink) does not exceed 30% and the balance 70% is labour charges. So, we request the Government of Tamilnadu to insert a separate clause for printing contract and fix the charges as 70%. If it is not possible it should be fixed as 50% just like dyeing contract as it is similar in nature and mode of execution. Dyes are applied on cloth, whereas the printing ink is applied on paper.

G) தணிக்கை செய்வதற்காக வணிக நிறுவனங்கள் ஆறு ஆண்டுகளுக்குப் பதிலாக இரண்டு ஆண்டு கணக்குகளை பராமரித்தால் போதுமானது என்று அறிவிக்க வேண்டும்:

தணிக்கை (Audit) செய்வதற்காக வணிக நிறுவனங்களுக்கு வருவதாகவும் 6 ஆண்டு கால கணக்குகளை எடுத்து வைக்கும்படியும் சில வணிகர்களுக்கு அதிகாரிகள் அறிவிப்பு அனுப்புகின்றனர். ஆறு ஆண்டுகால கணக்குகளை வணிகர்கள் சட்ட விதிகளின்படி பராமரிப்பது அவசியம் என்றாலும் அசெஸ்மென்ட் முடிந்த பல ஆண்டுகளுக்கு முந்தைய கணக்குகள் குறித்த வினாக்களுக்கு உடனடியாக பதிலளிப்பது மிகவும் சிரமம். சில நிறுவனங்களில் அப்போதிருந்த கணக்காளர் (Accountant) நிகழ்காலத்தில் பணியில் இருப்பதில்லை. இவ்வளவு நீண்ட காலம் கணக்கீடுகளைப் பராமரிக்க போதிய இடவசதி பலரிடம் இல்லை. இன்றைய Digital உலகில் எல்லாம் Online ஆகிவிட்ட சூழலில் இத்தனை ஆண்டு காலம் கணக்குகள் வைத்திருக்க வேண்டுமா? நிறைய சிரமங்கள் ஏற்படுகின்றன. எனவே கணக்குகளை Assessment செய்த தேதியிலிருந்து இரண்டு ஆண்டுகளுக்குள் பராமரித்தால் போதுமானது என விதிகள் இருப்பதுதான் முறையாக இருக்கும்.

H) சரக்கு வாகனங்கள் மற்றும் நிறுவனங்களில் சோதனை இடுவதற்கான நடைமுறை – லஞ்ச ஊழல் குற்றச் சாட்டுக்கு வணிகவரி அதிகாரிகள் உட்படாமல் இருக்கவும், வணிகர்கள் தொல்லைகளுக்கு உட்படாமல் இருக்கவும் ஆலோசனைகள்:

1) வணிகவரித் துறை செயலாக்கப் பிரிவு (Enforcement) அதிகாரிகள் நிறுவனங்களில் ஆய்வு (Raid) செய்யும்பொழுதும், சாலைகளில் சரக்கு வாகன சோதனைகளில் ஈடுபடும்பொழுதும் சரக்கின் உரிமையாளர் அதிகாரியின் குற்றச்சாட்டை மறுத்து விளக்கம் அளிக்கும் நோட்டீஸ் (Show Cause Notice) தருமாறு கேட்டால், அவ்வாறு அளித்து கோப்புகளை மேல் நடவடிக்கைக்காக அந்த வணிகரின் சம்பந்தப்பட்ட வரி விதிப்பு அதிகாரிக்கு அனுப்ப வேண்டும். அந்த இடத்திலேயே அட்வான்ஸ் வரி, அபராதம் அல்லது COMPOUNDING FEE வசூலிக்க அனுமதிக்கக் கூடாது. செயலாக்கப் பிரிவுக்கு பணம் வசூல் செய்யும் அதிகாரம் கூடாது.

2) சோதனையில் ஈடுபடும் வணிகவரி அதிகாரிகள் அதே இடத்தில் குற்றச்சாட்டுகளைச் சுமத்தி பதில் கொடுக்க வணிகருக்கு எந்த வாய்ப்பும் கொடுக்காமல் அந்த இடத்திலேயே தீர்ப்பையும் சொல்லி, அங்கேயே அதை அமலாக்கம் செய்யும் வகையில் பணத்தையும் வசூல் செய்வது சட்ட விரோதமாகும். எந்த சட்ட விதிகளிலும் கேள்விப்படாத இந்த நடைமுறையை ரத்து செய்ய வேண்டும்.

3) அவ்வாறான ஆய்வு மற்றும் சோதனையின்போது அதிகாரிகள் மற்றும் வணிகர்கள் “எவ்வாறு நடந்துகொள்ள வேண்டும், எவ்வாறு நடந்துகொள்ளக் கூடாது” (Do’s and Don’ts) என்ற அறிவுரைகளை வெளியிடப்பட வேண்டும்.

4) வாகன சோதனையின்போது சரக்கின் பில் தேதியன்றே சரக்கு அனுப்பப்பட வேண்டும் என்றும், பில்லில் உள்ள சரக்கின் அளவு வாகனத்தில் இருக்க வேண்டும் என்றும் அதிகாரிகள் வலியுறுத்தி அபராதம் வசூலிக்கிறார்கள். இது நடைமுறை சாத்தியமல்ல. மொத்தமாகச் சரக்கை வாங்கிய பிறகு வாகனம் கிடைப்பதற்கு மூன்று நான்கு நாட்கள் கூட ஆகலாம். சிறிய வாகனம் கிடைத்தால் பில்லில் உள்ள சரக்கைவிட குறைத்துத்தான் ஏற்றி அனுப்ப முடியும். நடைமுறை வியாபார சிரமங்களை உணர்ந்து தக்க அறிவுரைகளை அதிகாரிகளுக்கு அனுப்புவதுடன் வணிகர்களுக்கும் தெரிவிக்க வேண்டும்.

5) தகவல் தொழில்நுட்ப வளர்ச்சியைப் பயன்படுத்தி, வணிகர் எங்கிருந்தாலும் எந்த வணிகவரி அதிகாரியுடனும் தொடர்பு கொண்டு மொபைல் போனில் பேசி விளக்கம் தரவும் SMS செய்தி மூலம் தகவல் தெரிவிக்கவும் தன்னுடைய மொபைல் போன் எண்ணை TIN எண் பெறும் போது வணிகவரித் துறையில் பதிந்து கொள்ளும் முறையை உடனே அமல்படுத்த வேண்டும். சோதனையின்போது அதிகாரி கூறும் குற்றச்சாட்டை மறுத்து அந்த மொபைல் போன் மூலம் எஸ்.எம்.எஸ் மூலம் செய்தி அனுப்பினால் அதை ஏற்று Show Cause Notice கொடுத்துவிட்டு வாகனத்தை அனுப்பிவிட வேண்டும். கோப்புகளை சம்பந்தப்பட்ட வரி விதிப்பு அதிகாரிக்கு மேல் நடவடிக்கைக்காக அனுப்ப வேண்டும்.

3. பழைய தமிழ்நாடு பொது விற்பனை வரிச் சட்டப்படியான நிலுவைகளுக்கு புதிய சமாதானத் திட்டம் அறிமுகப்படுத்தப்பட வேண்டும்:

01.01.2007-க்கு முன்னர் நடைமுறையில் இருந்த தமிழ்நாடு பொது விற்பனை வரிச் சட்டத்தின்படி நிலுவையில் உள்ள தாவாக்களையும், மேல் முறையீடுகளையும், நீதிமன்ற வழக்குகளையும் முடிவுக்குக் கொண்டு வர புதிய சமாதான திட்டத்தை தேசிய அளவில் சரக்கு மற்றும் சேவை வரி முறை (GST) அமலாக்கப்படும் முன் தமிழக அரசு அறிவிக்க வேண்டும்.

http://tnchamber.in/to-establish-a-high-level-advisory-group/

ஜிஎஸ்டி என்கிற பொருட்கள் சேவைகள் வரி

வரி விதிப்பது ஓர் அரசின் முக்கிய அதிகாரங்களில் ஒன்று. வரி விதிக்காத அரசு, அரசாக இருக்கவும் முடியாது. வரி என்பதே நாம் கட்டாயமாக அரசுக்கு செலுத்த வேண்டியத் தொகை, அதே நேரத்தில் ஒவ்வொருவரும் செலுத்திய வரிக்கு ஏற்ப தனக்கு அரசு சேவைக் கொடுக்கவேண்டும் என்று கேட்க முடியாது. ஆனால் குடி உரிமை பெற்ற ஒவ்வொருவருக்கும் அரசின் சேவை களைக் கேட்கும் உரிமை உண்டு.

எதற்கு பொருட்கள் சேவைகள் மீது வரி?

ஒவ்வொருவரும் அவரின் வரி செலுத்தும் திறனுக்கு ஏற்ப வரி செலுத்தவேண்டும் என்பது ஒரு கோட்பாடு. வரி செலுத்தும் திறனை அறிய ஆண்டு வருமானம் ஒரு சிறந்த குறியீடு, எனவே வருமான வரி முக்கியத்துவம் பெறுகிறது.

ஆனால், ஒருவரின் வரிசெலுத்தும் திறன் முழுவதையும் வரியாக அரசு எடுத்துக்கொண்டால் அவர் மேலும் உழைப்பதற்கான ஊக்கத்தை இழக்கக்கூடும், அல்லது வரி செலுத்துவதைத் தவிர்க்கக் கூடும். வருமான வரி விகிதத்தை அதிகமாக வைக்கக்கூடாது என்பது ஒரு கருத்து.

பலரின் ஆண்டு வருமானத்தைக் கண்டறிந்து கணக்கிடுவது கடினம், ஆகையால் அவர்கள் குறைவான வருமான வரி செலுத்தலாம். இப்படி பல காரணத்தால், அரசுக்கு வருமான வரியில் இருந்து போதிய வரி வருவாய் கிடைப்பதில்லை; அரசு வேறு வரி ஆதாரங்களைத் தேடவேண்டியுள்ளது.

சொத்து வரி, (wealth tax) பரிசு வரி (gift tax) சொத்துகள் பரிமாற்றத்தின் மீது முத்திரைத் தாள் வரி (stamp duty) எல்லாமே இவ்வாறான வரி கோட்பாட்டின் அடிப்படையில் உருவானதுதான். இவையும் போதிய வரி வருவாயை பெற்றுத்தரவில்லை. இவை எல்லாமே நேர்முக வரிகள்தான், ஏனெனில், யார் வருமானம்/சொத்து பெறுகிறாரோ அவரே நேரடியாக அரசுக்கு வரியைச் செலுத்துவதால் இவை நேர்முக வரிகள்.

ஒருவரின் வரி செலுத்தும் திறனின் அடுத்த குறியீடு அவர் வாங்கும் பொருட்களின் மதிப்பு; பொருட்களின் மேல் வரி விதிப்பது அடுத்த முக்கியமான வரியாக மாறியது. பொருட்கள் கடைசி நுகர்வுக்கு வரும்போது அந்த இடத்தில் வரி விதிப்பதுதான் உத்தமம். அப்படியானால் கடைசி சில்லரை வாணிபத்தில் (retail sales tax) மட்டுமே வரி விதிக்கப்படவேண்டும்.

இந்தியா போன்ற பெரிய நாடுகளில் சில்லரை வியாபாரம் என்பது மிகச் சிறிய அளவில் பலகோடி வியாபாரிகளால் செய்யப்படுவது, எனவே சில்லரை வியாபார வரியை மட்டுமே விதித்து நமக்குத் தேவையான வரி வருவாயைப் பெறமுடியாது. உற்பத்தி முதல் சில்லரை வியாபாரம் வரை எல்லா நிலைகளிலும் வரி விதிக்கவேண்டிய கட்டாயம் உள்ளது.

பொருட்கள், பணிகள் வரி

பொருட்கள் மீது வரிவிதிக்கும் அதிகாரத்தை மத்திய மாநில அரசுகள் பிரித்துக்கொண்டன. இறக்குமதி மீது சுங்கவரி (customs duty) விதிப்பதை, பொருள் உற்பத்தி மீது உற்பத்தி வரி (excise duty) விதிப்பதை மத்திய அரசும், பொருள் விற்பனை மீது விற்பனை வரி (sales tax) விதிப்பதை மாநில அரசும் எடுத்துக்கொண்டன.

ஒரு மாநிலத்துக்குள்ளேயே விற்பனை நடக்கும் போது அம்மாநில அரசு விற்பனை வரி வசூலிப்பது ஏற்புடையது. ஒரு மாநில வியாபாரி மற்றொரு மாநில வியாபாரிக்கு பொருள் விற்கும் போது எந்த மாநிலம் அந்த விற்பனை மீது வரி விதிப்பது என்ற சிக்கல் எழுந்தது.

இதற்காக மத்திய விற்பனை வரி (Central Sales Tax - cst) ஒன்றை மத்திய அரசு உருவாக்கி, அதன்படி எந்த மாநிலத்தில் வியாபாரம் உருவாகிறதோ அந்த மாநில அரசுக்கு 4% வரை விற்பனை வரி செலுத்தவேண்டும் என்றது, இப்போது CST வரிவிகிதம் 2% ஆக குறைந்துள்ளது. இதுமட்டு மல்லாமல் சில மாநில அரசும் octroi, entry tax போன்ற நுழைவு வரிகளும் விதிக்கின்றன.

1990 களுக்குப் பிறகு பல சேவைகளை வரி விதிப்புக்கு உட்படுத்தவேண்டும் என்ற யோசனை உருவானது. இந்திய அரசியல் சட்டத்தில் எஞ்சிய அதிகாரங்கள் மத்திய அரசிடம் இருப்பதால் அதனைப் பயன்படுத்தி மத்திய அரசு எல்லா சேவைகள் மீதும் சேவை வரி விதித்தது. சேவை வரி இன்று மத்திய அரசின் முக்கிய வரி ஆதாரங்களில் ஒன்று.

மறைமுக வரிகள்

பொருட்கள், சேவைகள் மீது வரி விதித்து அதனை வியாபாரிகள்தான் செலுத்தவேண்டும் என்ற சட்டம் இருந்தாலும், அந்த வரிகளைச் செலுத்துவது நுகர்வோர்தான். ஒரு பொருள் அல்லது சேவையை வாங்கும் போது அதன் மீதான வரி விற்பனை சீட்டில் குறிப்பிடப்பட்டிருக்கும். நுகர்வோர் செலுத்தும் வரியை வாங்கி வியாபாரி அரசுக்குக் கொடுக்கிறார்.

விற்பனை வரியை அரசுக்கு நேரடியாக நுகர்வோர் செலுத்தாமல், மறைமுகமாக வியாபாரி மூலம் செலுத்துகிறார். இந்த வகையில் வியாபாரி ஒரு வரி வசூலிப்பவர்தான், அவர் தன்னுடைய பணத்தை வரியாகச் செலுத்துவதில்லை. இந்த வரியை வசூலித்து கொடுக்கும் சேவைக்கு ஆகும் செலவை அவர் நுகர்வோரிடமிருந்து விலை மூலம் பெறவேண்டும்.

இந்த வகை வரி வசூலிக்கும் முறை வரி வசூலிக்கும் செலவைக் குறைக்கும். நாட்டின் உள்ள ஒவ்வொரு குடும்பமும் மாதம் தோறும் தாங்கள் வாங்கும் எல்லா பொருட்களையும் கணக்கு வைத்து அரசுக்கு வரி செலுத்தவேண்டும் என்றால், அரசு அதிகாரி எவ்வளவு கணக்குகளை சரிபார்க்கவேண்டும்.

ஆனால் ஒரு மாநிலத்தில் பல கோடி குடும்பங்கள் இருந்தாலும் சில ஆயிரம் வியாபாரிகளே உள்ளனர். அவர்களிடம் வரி வசூலிப்பது எளிது, செலவும் குறைவு. பொருட்கள், சேவைகள் மீதுள்ள வரியினால் எழும் பொருளாதார பிரச்சினைகளை அடுத்த வாரம் பார்ப்போம்.

பொருட்கள், சேவைகள் மீது வரி விதித்து அதனை வியாபாரிகள்தான் செலுத்தவேண்டும் என்ற சட்டம் இருந்தாலும், அந்த வரிகளைச் செலுத்துவது நுகர்வோர்தான். ஒரு பொருள் அல்லது சேவையை வாங்கும் போது அதன் மீதான வரி விற்பனை சீட்டில் குறிப்பிடப்பட்டிருக்கும். நுகர்வோர் செலுத்தும் வரியை வாங்கி வியாபாரி அரசுக்குக் கொடுக்கிறார்.

seenu242@gmail.com

tamil the hindu 

18.5.2015

சரக்குகள் மற்றும் சேவை வரி என்றால் என்ன?

பொருட்களை உற்பத்தி செய்து, விற்கும் போது, அவற்றின் மீது, கலால் வரி, சேவை வரி, ஒரு மாநிலத்தில் இருந்து, மற்றொரு மாநிலத்திற்கு, அந்தப் பொருட்களை கொண்டு செல்லும் போது நுழைவு வரி, மாநில அரசுகள் நிர்ணயித்துள்ள, மதிப்பு கூட்டு வரியான - 'வாட்' வரி என, பல விதமான வரிகள் விதிக்கப்படுகின்றன. அதேநேரத்தில் பொருட்களை இறக்குமதி செய்தால், அவற்றின் மீது சுங்க வரி விதிக்கப்படுகிறது. இப்படி, ஒரு பொருளின் மீது, பலவிதமான வரிகள் விதிக்கப்படுவது, வரி கட்டமைப்பை சீர்குலைப்பதோடு, பொதுமக்களுக்கு வரிச்சுமையையும் அதிகரிக்கிறது. இதனால், பொருளாதாரத்தில், பாதகமான விளைவுகள் ஏற்படுவதாகவும், நிபுணர்கள் தெரிவிக்கின்றனர். இந்தப் பிரச்னைகளை தீர்க்க, மத்திய, மாநில அரசுகள் விதிக்கும், பல விதமான மறைமுக வரிகளையும் ஒன்றிணைத்து, ஒரே வரியாக்க, மத்திய அரசு எடுத்த நடவடிக்கையே, ஜி.எஸ்.டி., என, அழைக்கப்படும் சரக்குகள் மற்றும் சேவை வரி. ஜி.எஸ்.டி., அமலுக்கு வந்தால், மறைமுக வரிகளான உற்பத்தி வரி, சேவை வரி போன்றவை விதிக்கப்படாது. மத்திய அரசால் விதிக்கப்படும், இந்த இரு வரிகளும் இல்லாமல் போகும். அதேநேரத்தில், மாநில அரசால் விதிக்கப்படும், வாட் வரியும் விலக்கிக் கொள்ளப்படும். மத்திய, மாநில அரசுகள் தரப்பில், ஒரு முனை வரி விதிப்பே அமலில் இருக்கும். 



dinamalar 
24.4.2015

சரக்கு, சேவை வரி மசோதாவை நிறைவேற்ற அரசு தீவிரம்

ஒன்பதாண்டுகளாக முடங்கிக் கிடக்கும், சரக்கு, சேவை வரி மசோதாவை நிறைவேற்ற, மத்திய அரசு தீவிரமாக உள்ளது. சர்ச்சைக்குரிய அந்த மசோதா, லோக்சபாவில் நேற்று நடைபெற்ற ஓட்டெடுப்பில் நிறைவேற்றப்பட்டது. மத்திய அரசுக்கு பலம் குறைவாக உள்ள ராஜ்யசபாவில், இன்று அந்த மசோதா தாக்கல் செய்யப்பட உள்ளது.நிச்சயம் கடும் பலப்பரீட்சையை அங்கு அந்த மசோதா சந்திக்கும் என, எதிர்பார்க்கப்படுகிறது.

மறைமுக வரிகளாக உள்ள, கலால் வரி, சேவை வரி, மாநிலங்களின், 'வாட்' எனப்படும் மதிப்பு கூடுதல் வரி, நுழைவு வரி போன்ற பல வரிகளை ஒன்றிணைத்து, ஜி.எஸ்.டி., எனப்படும், சரக்கு மற்றும் சேவை வரி முறை, 2006ல், அப்போதைய, காங்கிரஸ் தலைமையிலான, ஐக்கிய முற்போக்கு கூட்டணி அரசால் வரையப்பட்டது.நாடு முழுவதும் ஒரே வரி முறையான, இந்த புதிய வரி முறையை, மத்திய, மாநில அரசுகள் இணைந்து செயல்படுத்த வேண்டியிருந்ததால், அதுகுறித்து மாநிலங்களுடன் பேசி கருத்தொற்றுமை ஏற்படுத்த முயற்சிகள் மேற்கொள்ளப்பட்டன. முந்தைய அரசால் அறிவிக்கப்பட்ட வரி, முறையாக இருந்தாலும், அந்த வரியை செயல்படுத்த, மோடி தலைமையிலான அரசு உறுதிகொண்டது. அடுத்த ஆண்டு, ஏப்ரல் 1 முதல் செயல்படுத்த இலக்கு நிர்ணயித்தது.

பல இழுபறிகளுக்குப் பின், அந்த மசோதா, சமீபத்தில், லோக்சபாவில் தாக்கல் செய்யப்பட்டது. நேற்று அந்த மசோதாவை நிறைவேற்ற, சபையில் முயற்சிகள் மேற்கொள்ளப்பட்டன. அதில் பல திருத்தங்கள் மேற்கொள்ள, எதிர்க்கட்சிகள் தீர்மானம் கொண்டு வந்தன; அவை, ஏற்கப்படவில்லை.மசோதாவில் திருத்தங்கள் மேற்கொள்ள ஏதுவாக, பார்லிமென்ட் நிலைக்குழுவுக்கு மசோதாவை அனுப்ப வேண்டும் என, காங்கிரஸ் பிடிவாதம் பிடித்தது. எனினும், அதை, நிதியமைச்சர் அருண் ஜெட்லி ஏற்றுக் கொள்ளவில்லை.''இது, நடனப்பொருள் அல்ல; ஒரு நிலைக்குழுவில் இருந்து இன்னொரு நிலைக்குழுவுக்கு, அவ்வப்போது மாற்ற,'' என, அவர், காட்டமாக கூறினார்.மாநிலங்கள் இப்போது வசூலித்து வரும் வரி வருவாயை, ஜி.எஸ்.டி.,யால் இழக்க நேரிடுமே, அதற்கு என்ன செய்யப் போகிறீர்கள் என, எம்.பி.,க்கள் கேட்ட கேள்விக்கு, அமைச்சர் அருண் ஜெட்லி அளித்த பதில் திருப்திகரமாக இருந்ததால், மேற்கொண்டு திருத்தங்கள் கோராமல், திரிணமுல் காங்கிரஸ், காங்கிரஸ் போன்ற கட்சிகள் அமைதி காத்தன.

அதன் பின், இந்த மசோதா, ஓட்டெடுப்புக்கு விடப்பட்டது. காங்கிரஸ் வெளிநடப்பு செய்தது. மசோதாவுக்கு, ஆதரவாக, 352 ஓட்டுகளும், எதிராக, 37 ஓட்டுகளும் கிடைத்தன. இதையடுத்து, ஜி.எஸ்.டி., மசோதா, லோக்சபாவில் நிறைவேறியதாக அறிவிக்கப்பட்டது. அந்த நேரம், பிரதமர் மோடி, சபையில் இல்லை.மசோதா குறித்து, அமைச்சர் அருண் ஜெட்லி பேசும் போது, ''நீண்டகாலமாக நிலுவையில் உள்ள இந்த மசோதா நிறைவேறி, நாடு முழுவதும் ஒரே வரி முறை அமலானால், மறைமுக வரி முறையில், புதிய சகாப்தம் படைக்கப்பட்ட பெருமை கிடைக்கும்,'' என்றார்.

முன்னதாக, மசோதாவுக்கு எதிர்ப்பு தெரிவித்து, காங்., - எம்.பி.,க்கள் ரகளையில் ஈடுபட்ட போது, அவர்களை கண்டிக்கும் விதமாக பேசிய அருண் ஜெட்லி, ''இந்த மசோதாவை நிறைவேற்ற பாடுபட்ட உங்கள் கட்சியை சேர்ந்த சிதம்பரம் உட்பட, பல நிதியமைச்சர்களை நீங்கள் மறந்தாலும், நாங்கள் நாட்டின் நலனை விட்டுக் கொடுக்க முடியாது,'' என்றார்.

லோக்சபாவில் நிறைவேற்றப்பட்டுள்ள இந்த மசோதா, இன்று, ராஜ்யசபாவில் தாக்கல் செய்யப்பட உள்ளது. ராஜ்யசபாவில், பா.ஜ., கூட்டணிக்கு பெரும்பான்மை பலம் இல்லாததால், நில மசோதா உட்பட பல மசோதாக்கள் முடங்கிக் கிடக்கின்றன.அந்த நிலை, ஜி.எஸ்.டி., மசோதாவுக்கும் ஏற்படாது என்றே கூறப்படுகிறது. ஏனெனில், பிற மசோதாக்களுக்கு கடும் எதிர்ப்பு காட்டிய காங்கிரஸ், இந்த மசோதாவை தயாரித்தது என்பதால், கடும் எதிர்ப்பு காட்டாமல், ஓட்டெடுப்புக்கு விடப்படும் போது, வெளிநடப்பு செய்யும் என, எதிர்பார்க்கப்படுகிறது.

3 ஆண்டுகளுக்கு 100 சதவீத இழப்பீடு:

'மாநிலங்கள் தங்கள் நிதி ஆதாரங்களை இழப்பதால், அதை எவ்விதம் சரிக்கட்டுவீர்கள்?' என, எம்.பி.,க்கள் கேள்வி எழுப்பினர். அதற்கு பதிலளித்து, அருண் ஜெட்லி கூறியதாவது:நாடு முழுமைக்கும் ஒரே மாதிரியான, இந்த புதிய, மறைமுக வரி முறை அமலாகும், முதல் மூன்று ஆண்டுகளுக்கு, 100 சதவீத இழப்பீட்டை மாநிலங்களுக்கு வழங்குவோம். அதற்கு அடுத்த, நான்காவது ஆண்டில், 75 சதவீத இழப்பீடும், ஐந்தாவது ஆண்டில், 50 சதவீத இழப்பீடும் வழங்கப்படும்.இவ்வாறு அவர் கூறினார்.

அப்போது குறுக்கிட்ட, லோக்சபா துணை சபாநாயகரும், அ.தி.மு.க., மூத்த எம்.பி.,யுமான தம்பிதுரை, ''ஐந்தாண்டுகளுக்கு இழப்பீடு வழங்குவீர்கள். அதற்குப் பின், மாநிலங்கள் நஷ்டத்தை சந்தித்தால் என்ன செய்வீர்கள்?'' என்றார்.

அதற்கு பதிலளித்த அருண் ஜெட்லி, ''எந்தச் சூழ்நிலையிலும் மாநிலங்கள் பாதிப்படைய அனுமதிக்க மாட்டோம். அவர்களின் இழப்புத்தொகை முழுமையாக தள்ளுபடி செய்யப்படும்,'' என்றார்.

வரி எவ்வளவு இருக்கும்?

ஜி.எஸ்.டி., வரிமுறை அமல்படுத்துவதற்கான வல்லுனர் குழு, 27 சதவீத வரி விதிக்க வேண்டும் என, பரிந்துரை செய்துள்ளது. எனினும், அந்த வரி அதிகமாக இருப்பதாக கருத்து தெரிவித்த நிதியமைச்சர் அருண் ஜெட்லி, ''கண்டிப்பாக, 27 சதவீத வரி விதிக்கப்பட மாட்டாது. சற்று குறைவாகவே இருக்கும்,'' என்றார்.

முன்னர், 20 சதவீத, ஜி.எஸ்.டி., வரி விதிக்கலாம் என, பரிந்துரை செய்யப்பட்ட போது, 20 சதவீதத்தை மத்திய அரசும், 8 சதவீதத்தை அந்தந்த மாநிலங்களும் பகிர்ந்து கொள்வது என, முடிவு செய்யப்பட்டது.ஆனால், இப்போது, ஜி.எஸ்.டி., வரி எவ்வளவு என்பது முடிவாகாததால், எவ்வாறு பகிர்ந்து கொள்வது என்பதும் முடிவு செய்யப்படவில்லை.இந்தியா முழுமையும் ஒரே சந்தை என்ற நிலை, இந்த மசோதா சட்டமானால் ஏற்படும். தொழில் துறைக்கு ஊக்கம் கிடைக்கும். இந்த வரிமுறையில் வியத்தகு சாதனையாக இருக்கும்.
சந்திரஜித் பானர்ஜி,
இந்திய தொழில் கூட்டமைப்பு தலைமை இயக்குனர்

இந்த மசோதா சட்டமானால், நாட்டின் பொருளாதார வளர்ச்சியில், கூடுதலாக, 1.5 சதவீத வளர்ச்சி ஏற்படும். உலகளாவிய முதலீட்டாளர்களை இந்தியாவுக்கு வரச் செய்யும்.
- டி.எஸ்.ராவத்,
'அசோசேம்' எனப்படும், இந்திய வர்த்தக சபை முதன்மை செயலர்

ராஜ்யசபாவில் எதிர்ப்பை சந்தித்தாலும், எப்படியும் அங்கு நிறைவேறிவிடும் என்ற நம்பிக்கை உள்ளது. எப்படியாகிலும், அடுத்த ஆண்டு ஏப்ரல் முதல் அமலாகிவிடும். ஆனால், அந்த வரிமுறையை சந்திக்க, தொழில் மற்றும் வர்த்தகத் துறையினர், எந்த அளவுக்கு தயாராக இருப்பர் என்பது கேள்விக்குறியே.
பிரதிக் ஜெயின்,
கே.பி.எம்.ஜி., தொழில் ஆலோசனை நிறுவனம்.

பா.ஜ., போல, நாட்டின் பாதிக்கும் மேற்பட்ட மாநிலங்கள், ஜி.எஸ்.டி., வரிமுறையை ஆதரிக்கின்றன. எனவே, ராஜ்யசபாவில் சிக்கலின்றி நிறைவேறும் என, எதிர்பார்க்கலாம்.
விவேக் மிஸ்ரா,
பிரைஸ்வாட்டர்கூப்பர் தர நிர்ணய ஆலோசனை

வர்த்தக நடைமுறையை எளிதாக்கும் இந்த வரிமுறை, லோக்சபாவில் நிறைவேறியதே பெரிய சாதனை தான்.
சலோனி ராய்,
  dinamalar 7.5.15

பொருள் மற்றும் சேவை வரி சட்டம் 2015

ஓர் அறிமுகம்

2005-இல் VAT வரித் திட்டத்தினை நாடு முழுக்க அமல் செய்த மத்திய அரசு தற்போது புதிய வரி மறுமலர்ச்சித் திட்டமாக, ‘பொருள்-சேவை வரிச் சட்டம் 2015” எனப்படும் புதிய சட்டத்தினைக் கொண்டுவர முனைப்புடன் செயல்படுகிறது.  இதில் மாநில அரசுகளின் ஒத்துழைப்பு அவசியம்.
2.     மாநில அரசுகள் & மைய அரசு இப்போது ஒன்றிணைந்து வரி மறுமலர்ச்சி (PROGRESSIVE TAX REFORMS) இந்தியாவில் உருவாக்க ஒருமித்த பயணத்தைத் துவக்கியுள்ளனர்.  புதிய வரி சகாப்தம்/வரலாறு படைக்க இது ஒரு நல்ல தருணம்.
3. வரிகள்:
1.  வருமானவரி  –   நேர்முகவரி : (மக்களே நேரடியாக அரசுக்குச் செலுத்தும் வரி , சர்சார்ஜ், செஸ் வரி)
2. கலால் வரி, சேவைவரி, இறக்குமதித் தீர்வை, VAT,CST வரி, சினிமா வரி,நுழைவு வரி, சுங்க வரி  –   மறைமுக வரிகள் (நிறுவனங்கள், வணிகர்கள் மக்களிடமிருந்து பில் வாயிலாக வசூலித்து அரசுக்குச்செலுத்தும் வரிகள்)

இந்த மறைமுக வரிகளை செயல்படுத்தத் தற்போதைய சட்டங்களில் செயல்பாடுகள் தாமதமாகி வருகிறது.  வணிகர்களுக்குப் பல சிரமங்கள் ஏற்பட்டுள்ளன.  இவைகளைத் தவிர்த்து மிகவும் எளிதான & விரைவான பணிகளைச் செய்து முடிக்க மத்திய அரசு & மாநில அரசுகளும் GST என்ற புதிய வரித்திட்டத்தை ஆராய்ந்து ஏற்றுக் கொண்டு அதனை 01.04.2016 முதல் அமல்படுத்த முனைந்து வருகின்றன.  இந்த புதிய வரிச்சட்டம் இப்போது நடைமுறையில் உள்ள கீழ்க்காணும் வரிச்சட்டங்களுக்குப் பதிலாகச் செயல்படுத்தப்படும்.
A) பழைய வரிகள் (CENTRAL) – மத்திய கலால் வரி, சேவை வரி, இறக்குமதித் தீர்வை, மருந்து, டாய்லெட் இனம் மீது எக்சைஸ் வரி, இதர கூடுதல் உபரி வரி & செஸ் வரிகள்
B) மாநில வரிகள் -VAT விற்பனை வரி, கொள்முதல் வரி, நுழைவு & சுங்க வரிகள், CST வரி, கேளிக்கை, சினிமா, லாட்டரி வரி, ஆடம்பர & பந்தய வரிகள்
C) புதிய சட்டம் -GOODS&SERVICE TAX 2015
பொருள்- சேவை வரிச்சட்டம் -2015

4) அரசியல் சட்டத் திருத்தம்/வரி மறுமலர்ச்சியின் முதல்படி, முதல் பயணம்:

இந்த ஒருங்கிணைந்த GST சட்டத்தினைப் பார்லிமெண்ட் இயற்ற அரசியல் சாசனத்தின் அனுமதியும் சட்டத்திருத்தமும் தேவை.  பொருள்-சேவை வரிகளை விதித்து வசூலிக்க ‘அரசியல் சாசன 122ஆம் திருத்த மசோதா 2014” நவம்பர்-2014 குளிர்காலக் கூட்டத்தில் ‘மக்களவையில்” மத்திய அரசு கொண்டு வந்தது.  இதற்கு முன்பு 23.03.2012-இல் அறிமுகம் செய்யப்பட்ட இத்தகைய திருத்த மசோதாவுக்கு மாநிலங்களின் ஒத்துழைப்பு கிடைக்கவில்லை.  சில திருத்தங்கள், மாநில அரசுகளின் கோரிக்கைகள், நஷ்ட ஈட்டுத்தொகை பற்றிய விவரங்களை விவாதித்த பின்னர் தற்போது ‘புதிய மசோதா எண். 122/2014” அறிமுகம் ஆகியுள்ளது.  இதில் அநேக நல்ல அம்சங்கள் உள்ளன.

5).’அரசியல் சாசனத் திருத்த மசோதா எண். 122/2014” எதிர்வரும் பிப்ரவரி பட்ஜெட் 2015-16 கூட்டத் தொடரில் நாடாளுமன்றத்தின் இரு அவைகளும் விவாதித்து, உரிய திருத்தம் செய்த பின்னர் ஒரு மனதாக ஏற்றுக் கொள்ளப்படும் .  இதனை மாநில சட்ட மன்றங்கள் ஏற்றுக் கொண்ட பின்னர் ஜனாதிபதியின் ஒப்புதலுக்கு அனுப்பப்படும்.  பின்னர் மக்களின் விவாதத்திற்கு அரசு இணையத்தில், இந்திய அரசு கெசட்டில் வெளியிடப்படும்.  இதனைத் தொடர்ந்து வணிகசங்கங்கள், ஸ்தாபனங்கள், ஏற்றுமதி நிறுவனம், பொதுத்துறை நிறுவனம், வங்கிகள் மற்றும் சேவை வழங்கும் அனைவரும் (STAKE HOLDERS) , பொதுமக்கள், தணிக்கையாளர்கள் , அரசு அதிகாரிகள் ஆகியோர் இந்த சட்டத்தினைப் பற்றி நீண்ட விவாதம் செய்து அரசுக்கு ஆலோசனை வழங்குவர்.

6.    மத்திய நிதியமைச்சகம், மாநில அரசுகளும் இந்த அரசியல் சாசன அனுமதிச் சட்டத்தில் உள்ள வரிவிதிப்பு முறைகள், பொருள் & சேவை இனங்கள் மீது தமது கருத்துக்களைத் தொகுத்து, அடுத்து எவ்வாறு எளிதாக GST சட்டங்களைப் பார்லிமெண்ட், மாநில சட்ட மன்றங்கள் ஆகியவற்றில் அறிமுகப்படுத்துவது பற்றி அரசுக்கு ஆலோசனை வழங்குவர்.  இதுவே வரிப் புரட்சியின் முதல் அத்தியாயம்-முதல் பயணம். இது ஒரு தயார் நிலை எனலாம்.

7.    அரசியல் சாசன அனுமதியின் பேரில் என்ன என்ன சட்டங்கள் இயற்றப்படும்?
நாடாளுமன்றம்     -1.CENTRAL GST ACT 2015
2. INTERSTATE GST ACT 2015
a) CENTRAL GST ACT BY PARLIMENT :

தற்போதைய மைய கலால் வரி, இறக்குமதித் தீர்வை, சேவை வரி, செஸ், கூடுதல் சர்சார்ஜ் வரிகள் இந்த மையச் சட்டத்தில் இணைக்கப்படும்.  இதில் பெறப்படும் வரிவரவுகளை மத்திய அரசு எடுத்துக் கொள்ளும்.  புதிய வரிகளை வழக்கம் போல் பதிவு வணிகர்கள், நிறுவனங்கள்  வசூலிக்கலாம்.

b) INTERSTATE GST ACT BY PARLIMENT:

தற்போதைய GST சட்டத்திற்குப் பதிலாக, இடைமாநிலக் கொள்முதல் & விற்பனை பேரங்களை ஒழுங்குபடுத்த, நெறிப்படுத்த, முறைப்படுத்த இந்தச் சட்டத்தினை நாடாளுமன்றம் இயற்றும்.  நாடு முழுக்க இந்த சட்டத்தில் ஒரே வரிவிகிதம் இருக்கும்.  CSTயில் உள்ள ‘C’F E1 படிவம் , H படிவங்கள் இராது.  இது ஓர் எளிய முறையான சட்டம்.  வணிகர் வரிவசூல் செய்யலாம்.  ITC பெற வாய்ப்புண்டு.  இந்த சட்டத்தில் ரூல்ஸ் , வரிவிதிப்பு , வரிவிலக்கு விவரம் பின்னர் சட்டத்தில் இணைக்கப்படும்.
c) STATE LEGISLATURES
மாநிலச் சட்ட மன்றம்     — STATE GST ACT  2015.
தற்போது VAT & CST, நுழைவு வரிச்சட்டங்களில் உள்ள அனைத்து வரிகளும் இணைந்த ஒரே சட்டம் ஆகும்.  இதனை ஒவ்வொரு மாநில அரசம் சட்டமன்றத்தில் இயற்றிய பின்னர் 01.04.2016 முதல் அமலுக்கு வரும்.  சட்டமியற்றிய பின்னர் அனைத்து மாநில  GST அம்சங்களும் தெரிய வரும்.

d)    01.01.2015 முதல் 31.12.2015-க்குள் இந்த சட்டங்கள் இயற்றப்பட வேண்டும்.  மக்களின் கருத்துக்களைக் கேட்டு உரிய ஆலோசனைகளைப் பெற்று சட்டங்கள் முழு வடிவம் பெற வேண்டும்.  இந்தச் சட்டத் தொகுப்பு ஒரு முழுமையான சட்ட ஆவணம் (STATUES) ஆக இருக்க வேண்டும். GST வரிச்சட்டங்களைத் தொகுத்த பின்னர் வரிவிதிப்பு, அலுவலகங்கள் 100மூ கணினி மயம் ஆக வேண்டும்.  நிர்வாகம், முழுக்க கணினி அடிப்படையில் ந-கடைiபெஇ ந-pயலஅநவெ போன்ற முறையில் இருக்க வேண்டும்.

அ)  தற்போது 140 நாடுகளில் இந்த GST சட்டம் அமலில் உள்ளது.  பல  நாடுகளில்
உள்ள சட்டத்தின் நல்ல, எளிய அம்சங்கள் இதில் இணைந்துள்ளன.  இது எளிதானது, துரிதமானது. மக்களின் சேவைக்கு ஏற்ற ஒரு சட்டமா எனில் அது உண்மை.

ஆ)  மறைமுக வரிகள் அனைத்தும் மொத்தம் மூன்று சட்டங்களில் இடம் பெறும்.
வணிகர் பதிவு செய்து கொண்ட ஒருங்கிணைந்த மாதாந்திர படிவம் ஒன்று மட்டும் பயன்படுத்தி வசூலித்த வரிகளைத் தாமதமின்றி அந்தந்த வரிச்சட்டங்களில் எளிதாகச் செலுத்தலாம்.

இ)   உற்பத்தியாளர், பெரிய வணிகர், மொத்த வணிகர், சில்லரை வணிகர் , நுகர்வோர்அனைவரும் இதன் பலனைப் பெறுவர்.

ஈ)   GST ஆலோசனை மன்றம் GST COUNCIL :
அரசியல் அமைப்புச் சட்டம் வழங்கிய அதிகாரப்படி மாநில, மத்திய அமைச்சர்கள் அடங்கிய GST கூட்டுக்குழு ஓர் ஆலோசனை மன்றமாக இருக்கும்.  GST பற்றிய நடைமுறைகள், தெளிவுரைகள், வரி விகிதம், வரிவிதிப்பு பற்றிய ஆலோசனைகளை அரசுகளுக்கு அவ்வப்போது இந்த மன்றம் தெரிவிக்கும்.  இது ஓர் அருமையான சட்ட வடிவம்.

உ)   01.04.2016 இல் GST சட்டங்கள் அமல்படுத்தும்   போது   அனைத்து   மறைமுக தற்போதைய வரிச் சட்டங்கள் ரத்து ஆகி விடும். 01.01.2015 வழ 31.12.2015 வரை மக்களிடையே கருத்தரங்கம், ஆலோசனைக் கூட்டம் நடைபெற வேண்டும்.  ஏன் எனில் இது மக்களுக்கான சட்டம்  ஆகும்.

ஊ)  இனிமேல் மாநில அரசுகள்   சில   குறிப்பிட்ட   சேவை   இனங்கள்   மீது புதிதாக வரி விதிப்பதால் கூடுதல் வரி வரவு கிடைக்கும்.  அதே போல, பொருள் சப்ளை மீது மத்திய அரசு இந்தச் சட்டத்தில் புதிதாக வரிவிதிப்பு செய்வதால் மத்திய தொகுப்புக்கு வரிவரவு 70% கூடுதலாகும்.  மத்திய அரசுக்கு இது ஒரு மிகப்பெரிய போனஸ் ஆகும்.  இதனால் GDP என்ற குறியீடு உயரும்.  மத்தியில் பற்றாக்குறை பட்ஜெட் இராது.  கடன் சுமை குறையும்.

எ)   மது   வகைகளுக்கு   GST-இல்  இடம்   இல்லை.    வரிவிகிதம்,     வரிவிலக்கு,
பதிவுமுறை நடைமுறைகள், ரூல்கள், சேவை இனங்கள், பொருள்களின் பட்டியல் விவரம் அந்தந்த மாநில மற்றும் மத்திய GST சட்டங்களில் இடம் பெறும்.  ஏயுவு சட்டம் போல் ஐவுஊ வரவு பெற்றுப் பயன்படுத்தலாம்.  இதனால் உற்பத்தி செலவுகள் குறையும், விலைவாசி ஸ்திரமாக இருக்கும்.

9. பிற கூடுதல் பயன்கள்:

·    நாடு தழுவிய அளவில் வர்த்தக பரிவர்த்தனை பெருகும், உற்பத்தி பெருகும், வேலை வாய்ப்பு மிகுதி ஆகும்.  மக்களின் வாங்கும் சக்தி அதிகம் ஆவதால் அரசுக்கு GST மூலம் வரிவரவு பெருகும் வாய்ப்புள்ளது.
·    VAT நிர்வாகத்திலிருந்து GST-க்கு மாறுவதால் சில மாநிலங்களுக்கு ஒன்று அல்லது இரண்டு ஆண்டுகளில் வரி வரவு ஏற்றம்-இறக்கம் இருக்கும்.  இதனை ஈடு செய்ய அரசியல் சாசனப்படி மாநிலங்களுக்கு இழப்புத் தொகை வழங்கப்படும்.  இது மாநிலங்களுக்குக் கிடைத்த மாபெரும் வெற்றி ஆகும்.  இது ஒரு யுகப் புரட்சி எனலாம்.
·    வரிவசூல் இன்வாய்ஸ் மூலம் நடைபெறுவதால் வணிகர்கள் வரி ஏய்ப்பு செய்ய வாய்ப்பு இல்லை.  கருப்புப் பணப் பொருளாதாரம் 70 – 90% குறைய வாய்ப்புண்டு.
·    வங்கிகளின் எதிர்காலம் பிரகாசமாக இருக்கும்.  துடிப்பு மிக்க இந்திய இளைஞர்களின் வாழ்வாதாரம் பெருகும்.  பணப்புழக்கம் பெருகும்.  உற்பத்தி செலவு குறைவதால் ஏற்றுமதியால் அன்னிய இருப்பு மிகுதியாகும்.  விலைகள் கட்டுப்படுத்தப்படும்.
·    ஆக 2020-இல் இந்தியா ஒரு பொருளாதாரப் பெருநாடு (ECONOMIC SUPER POWER) எனப் பெயர் பெறும். அந்த இலக்கை நோக்கி இந்தியப் பேரரசும் மற்றும் அனைத்து மாநிலங்களும் 01.04.2016 முதல் தமது புதிய பயணத்தைத் துவக்க உள்ளதற்கு நமது வாழ்த்துக்களைத் தெரிவிப்போம்.

M.கருணாகரன், M.A., BGL.,

மக்களவையில் நிறைவேறியது சரக்கு - சேவை வரி மசோதா

நீண்ட காலமாக நிலுவையில் இருந்த சரக்கு மற்றும் சேவை வரி மசோதா மக்களவையில் புதன்கிழமையன்று நிறைவேற்றப்பட்டது. 

இதற்கான வாக்கெடுப்பு நடைபெற்ற போது பிரதமர் நரேந்திர மோடி அவையில் இல்லை என்பது குறிப்பிடத்தக்கது. 

காங்கிரஸ் கட்சி எதிர்ப்பு தெரிவித்து வெளிநடப்பு செய்தது. சரக்கு மற்றும் சேவை வரி மசோதா மூலம் நாடு முழுதும் ஒரே மறைமுக வரி விதிப்பு நடைமுறைப்படுத்தப் படவுள்ளது. இதற்காக நிபுணர்கள் குழு பரிந்துரை செய்த 27% வரி விதிப்பைக் கூட தளர்த்த நிதியமைச்சர் அருண் ஜேட்லி உறுதி அளித்துள்ளார்.

மேலும், மாநிலங்களின் வருவாய்க்கு எந்த வித பங்கமும் இந்த மசோதாவினால் ஏற்படாது என்றும் அப்படி வருவாய் இழப்பு ஏற்பட்டால் மத்திய அரசு அதன் இழப்பை ஏற்கும் என்றும் உறுதி அளிக்கப்பட்டுள்ளது. 

இந்த மசோதாவுக்கு ஆதரவாக 352 வாக்குகள் அளிக்கப்பட்டது. எதிராக 37 வாக்குகள் மட்டுமே அளிக்கப்பட்டது.

ஏப்ரல் 1, 2016 முதல் நடைமுறைக்கு வரலாம் என்று எதிர்பார்க்கப்படும் சரக்கு மற்றும் சேவை வரிச் சட்டத்தினால் மாநில அரசுகள் வசூலிக்கும் சுங்க வரி, சேவை வரி, மாநில வாட் வரி, நுழைவு வரி, ஆக்ட்ராய் மற்றும் பிற வரிகள் சரக்கு மற்றும் சேவை வரி என்ற ஒரே குடையின் கீழ் கொண்டுவரப்பட்டுள்ளது. 

நாடாளுமன்ற நிலைக்குழுவிடம் இந்த மசோதா சமர்ப்பிக்கப்பட வேண்டும் என்ற காங்கிரஸ் கோரிக்கையை நிராகரித்த அருண் ஜேட்லி, “மசோதா என்பது நடனமாடும் ஒரு உபகரணம் கிடையாது, நிலைக்குழுவிலிருந்து நிலைக்குழு என்று அதனை தாவச்செய்து கொண்டே இருக்க முடியாது” என்றார். 

மேலும், “நிபுணர்கள் குழு பரிந்துரை செய்த 27% வரி மிகவும் அதிகம், நிச்சயம் இது குறைக்கப்படும். நாடு முழுதும் ஒரே வரி விதிப்பு முறை இருக்கும் போது பணவீக்கத்தைக் கட்டுக்குள் வைக்க முடியும், வளர்ச்சி நோக்கி அடியெடுத்து வைக்க முடியும்” என்றார் அருண் ஜேட்லி.

tamil hindu .7.5.2015